Foruma Aştîyê

Ji bo ku aştiyek domdar û mayînde were avakirin, tenê artêş, parlamentoyan û sazî û organên dewletê ne bes in; pêdivî bi kes, kom û aktorên ku di avakirina aştiyê de dixebitin jî heye. Çareserkirina pevçûnekê ku mîna pevçûna li Kurdistanê kronîk bûye, divê aktorên ku li derveyî welatê belav bûne jî dihewîne û dengê wan were bihîstin.

Almanya malbateya dîasporaya Kurd a herî mezin e û tê texmînkirin ku li wir di navbera 1 û 1,5 milyon Kurd dijîn. Ji bo serkeftin û domdariya pêvajoya aştiyê li Tirkiyeyê, nêrîn, ezmûn û beşdariya wan ewqas girîng in ku nayên paşguhkirin. Ji ber vê yekê, ji bo ku civakên Kurd û rêxistinên civaka sivîl ên li Almanyayê bikaribin bi awayekî tam, aktîf û bandordar beşdarî pêvajoya aştiyê bibin, divê rê û mekanên nû bên afirandin.

Weqfa Rosa Luxemburg, Weqfa Heinrich Böll û Off University civaka Kurd a li Almanyayê vedixwînin ku di hawîrdoreke ewle û xweser a rêxistinkirî de, pêvajoya aştiyê ya li Tirkiyeyê bi nêrînek rexneyî hildin ser dest û li ser wê nîqaş bikin. Armanca vê civîna sêrojî ew e ku beşdariya aktor û parêzvanên aştiyê xurt bike û daxwaz û pêşniyarên ku dikarin di şekildana pêvajoya siyasî de rolekê bilîzin, bên formulekirin.